Beitrag: Jürgen Sakuth
To de Tieden, as in Niestadt noch ’n
Amtsgericht west is, dor hett de Topleger,
Wally Möllemann ut Olenkremp, mal as
Tüüg to Gericht sullt.
Dor fröggt de Amtsrichter em to Beginn
so allerhand to sien Person. He wull sien
Öller weten, fraag na sien Profeschoon
un Ehstand un to’n Sluss ok na sien’n
Gloven. „Wat meent Se denn dormit, Herr Amtsrichter?“ fraagt de.
„Auf welches Glaubensbekenntnis sind
Sie denn getauft worden, Herr Mölle-
mann?“
Jo, Herr Amtsrichter, dor weet wi op’n Dörp doch nix vun. Dor küm-
mert wi uns ok nich üm. Se künnt dorvun utgahn, dat Se un ik den
sülvigen Gloven hebbt. Dat mutt doch nu langen!“
„Sie sind aber doch ein gläubiger Christ?“
Jo, dat is richtig. Ik gah ok na de Kark, un dor heff ik Se ok al mal
seh’n, denk ik. Dorüm meen ik, wi twee glöövt seker datsülvige, Herr
Amtsrichter!“
Ja, aber Sie müssen doch wissen, ob Sie evangelisch oder katholisch
sind‘?“
Minsch, Herr Amtsrichter, dor weet unsereen op’n Lann doch nix vun
af!“
„Ja, aber Sie haben doch sicherlich schon einmal etwas von Dr. Martin
Luther gehört, Herr Möllemann?“
„Siendaag nich, Herr Richter, in mien ganzet Leven nich. Wenn un-
sereen mal krank is, denn schickt wi jümmers na Hermann-Doktor ut
Niestadt in Holsteen!“
Quelle: Heinrich Evers „Dat dröfft doch mal seggt warrn!“
(Balticum Verlagsgesellschaft und Werbeagentur GmbH)
Illustration: Elke Grotelüschen
bergedorf.blog 