Beitrag: Jürgen Sakuth
Wat dünkt wi uns blots stark un groot,
op Groot op Lütt, wi alltohoop.
Sull’n wi nich mal, op Jung or Deern,
to Wiehnachtstiet besünners geern,
ok eenst an uns’re Mitminsch‘ denken
un de ’n goot Gedanken schenken?
Gah‘ doch mal daal an Strand un Küst,
denn markst du dat, wat lütt du büst,
graad an de See bi Wind un Weder.
Weer dat nich mal ’n beten beter,
wi leden eens all’n Striet bisiet,
so as dat höört to Wiehnachtstiet?
Wenn wi verdeent dat an de See,
schenkt uns de Herrgott Wiehnacht‘ Snee
De Snee deckt allens af wat weer
verleden Johr un ok dorvör.
Verzeih’n, vergeten, denk mal no,
denn warrst du Wiehnacht‘ dubbelt froh.
Quelle: Heinrich Evers „Dat dröfft doch mal seggt warrn!“
(Balticum Verlagsgesellschaft und Werbeagentur GmbH)
Illustration: Elke Grotelüschen
bergedorf.blog 