Na Wiehnachten

Veröffentlichung: Jürgen Sakuth

Fiete Beckmann, Kuddel Swömmer un Jo-
chen Rüter speelt siet vele Johr’n Skat to-
hoop. Blots in’n Christmaand bit Wiehnach-
ten laat se dat utfallen. Dor hebbt se jo all
noog annern Kraam in’n Sinn.
Na Wiehnachten sitt de dree Mannslüüd nu
weller dat eerstemal tosamen, un Fiete Beck-
mann fangt an to vertell’n:
„Ik heff mien Fru wat to Wiehnachten schenkt,
dat geiht vun null op hunnert in acht Sekun-
nen. Ik heff mien Gerda ’n witten Porsche
köfft. Se hett doch strohblonne Hoor. Dat
passt jo perfekt to ehr!“
„Dat is jo noch gor nix“, meen dor Kuddel, „ik
heff mien Fru wat schenkt, dat geiht vun null
op hunnert in fief Sekunnen!“
De annern beiden dor:
„Na, dat kann jo denn blots noch ’n Ferrari
west hebb’n!“
„Recht hebbt ji,“ meen dor Kuddel Swöm-
mer, „dat smucke rode Coupe un se mit ehr
pickenswartes Hoor dor binnen, dat passt
doch allerbest to mien leve Fru!“
„Un wat hett dien Fru to Wiehnachten kre-
gen?“ wendt sik de beiden Skatspeeler nu an
Jochen Rüter.
Dor meen Jochen:
„lIk heff mien Fru wat schenkt, dat geiht vun
null op hunnert in twee Sekunnen.
Dat is aver keen Personenwagen,
dat is ’n Personen-Waag!“